1 2 3 128

“भिजिट नेपाल २०२०” लाई लक्षित गरि नेपाली पर्यटन प्रवर्धन गर्ने हेतुले गत सोमबार जुलाई १५ मा न्युयोर्कमा चौथों नेपाली अमेरिकन फेस्टिभल कन्फेरेन्स आयोजना गरियो ।

कन्सुलेट जेनेरल अफ नेपाल, न्युयोर्क, नेपाल पर्यटन बोर्ड र नेप्लिज अमेरिकन फाउन्डेसनको संयुक्त आयोजनामा भएको उक्त कार्यक्रममा नेपालको पर्यटन; कला; र संस्कृति सम्बन्धी प्रस्तुति, प्यानल डिस्कसन र स्थानीय नेपाली कलाकारहरुद्वारा नाच प्रस्तुत गरिएको थियो ।

नेपालबाट शिक्षामन्त्री गिरिराजमणि पोखरेल प्रमुख अतिथिका रुपमा उपस्थित हुनु भएको थियो ।
कार्यक्रममा नेयुयोर्क स्थित महावाणिज्यदूत पुष्पराज भट्टराईले सबैलाई स्वागत गर्नु भयो ।

कार्यक्रममा राष्ट्रिय योजना आयोगका उपाध्यक्ष डा. पुष्पराज कँडेल, संयुक्त राष्ट्रसंघका लागि न्युयोर्क प्रतिनिधि अमृत राईलगायतको उपस्थिति रहेको थियो ।

नेपालको पर्यटन क्षेत्रबारे भने दीवाकर विक्रम राणाले पावर प्वाइन्ट प्रस्तुति दिनुभयो । नेपाल टुरिज्म बोर्ड युरोप अमेरिकाका मेनेजर रहनुभएका राणाले नेपालको पर्यटनको क्षेत्रबारे प्रस्तुति दिनुभएको हो ।

त्यसैगरी, हाभर्ड विश्वविद्यालयका प्रोफेसर माइकल विट्जेलले पनि नेपालको पर्यटन क्षेत्रबारे फोटो स्लाइड प्रस्तुत गर्नुभएको थियो । आफूले नेपाल भ्रमण गरेका समयका फोटोहरु सहित उहाँले आफ्नो नेपाल भ्रमणबारे सुनाउनु भएको थियो । विट्चलले आफ्नो प्रस्तुतिमा नेपालको हिमाललाई विशेष स्थान दिनुभएको थियो । काठमाडौंबाट देखिने हिमालको तस्विर देखाउँदै काठमाडौंको सुन्दरता बताउनु भएका उहाँले पोखराबाट देखिने हिमाल, लालीगुराँसको चर्चा गर्नुभयो । प्रकृतिसँग नेपाली जनजातिको बारे जानकारी दिँदै उहाँले नेपालमा देखेका झाँक्री र धार्मिक अवस्थालाई पनि आफ्नो प्रस्तुतिमा समेट्नु भएको थियो ।

उहाँले फोटो स्लाइटमा तुईन, मनाङदेखि विरामीलाई उपचारका लागि सदरमुकाम ल्याउँदै गरेको कठिनाईका दृश्य र काठमाडौंको ट्राफिक जामका तस्विर पनि देखाउनु भएको थियो ।

नेप्लिज अमेरिकन फाउन्डेसनका अध्यक्ष अमित पि. साहको संयोजनमा भएको प्यानल डिस्कसनमा महावाणिज्यदूत पुष्पराज भट्टराई, रिमोट ल्याण्ड ईन्कका को-फाउन्डर क्याथरिन हिल्ड, पाटा न्युयोर्क च्याप्टरका अध्यक्ष एलिजावेथ चिन, हाभर्ड विश्वविद्यालयका साँस्कृत प्राध्यापक माइकल विट्जेल, मेट्रोपोलिटन म्युजियम न्युयोर्कका क्युरेटर जोहन कर्पेन्टर र नेपाल पर्यटन बोर्ड युरोप अमेरिकाका प्रबन्धक दीवाकर बिक्रम राणा रहनुभएको थियो ।

कार्यक्रम छैठौं मिस नेपाल अमेरिका डा. दिलासा न्यौपानेले संचालन गर्नु भएको थियो ।


न्युयोर्क, जुलाई १६, २०१९ मंगलबार ।

अमेरिकाको कनेक्टिकट राज्यमा २०६ औं आदिकवि भानुभक्त जन्मजयन्ती एक भव्य काव्य समारोहको साथमा सम्पन्न भएको छ । कनेक्टिकट नेपाली समाजका अध्यक्ष जितेन्द्र बस्नेतको सभापतित्वमा सम्पन्न कार्यक्रममा यज्ञ पौड्याल, महेन्द्र श्रेष्ठ, कुलदिप अधिकारी, शिव न्यौपाने, कृष्ण कँडेल, विष्णु तिवारी, अर्जुन दाहाल, प्रकाश भट्टराई, केशव दाहाल, लक्ष्मी बजगाई, वसन्ता न्यौपाने, अशोक श्रीवास्तव र धन लामा लगायत कवि तथा कवयत्रीहरूले आफ्नो काव्यरचनाहरु प्रस्तुत गर्नु भएको थियो ।

कनेन्टिकट राज्यको राजधानी हार्टफोर्डको स्थानीय ऐलिजाबेथ पार्कको रमणीय गुलाबको बगैंचामा सम्पन्न समारोहमा धन लामाको शब्द रचनामा रहेको “भानु तिम्रो रामायणले मैले राम जानें” शिर्षकको गीतिकवितालाई केशव शर्मा दाहालले आफ्नो संगीत र स्वरमा प्रस्तुत गर्नुहुँदा कार्यक्रममा सहभागी दर्शक तथा श्रोताहरू मन्त्रमुग्ध भएका थिए । कार्यक्रममा प्रौढ तथा बालवालिकाहरु गरी करिव ८० जनाको सहभागिता रहेको थियो ।

नेप्लिज एशोसियसन अफ कनेक्टिकटको आयोजनामा भएको सो कार्यक्रमको संयोजन र समन्वयको जिम्मेवारी कवि तथा गीतकार धन लामाले लिनुभएको थियो भने कवि शिव न्यौपानेले आदिकवि भानुभक्तको जीवनी माथि प्रकाश पारिसके पछि मुख्य विषयमा प्रवेश गरेको सो कार्यक्रमको सन्चालन कनेक्टिकट नेपाली समाजका सचिव भद्र राईले गर्नुभएको थियो भने कवयत्री वसन्ता न्यौपानेले सहभागी सबैलाई स्वागत गर्नु भएको थियो ।

न्युयोर्क, जुलाई १६, मंगलबार ।
अन्तराष्ट्रिय नेपाली साहित्य समाज (अनेसास), न्युयोर्क च्याप्टरको आयोजनामा २०६औं भानुजयन्ती विविध कार्यक्रमहरूका साथ गत आईतबार जुलाई १४ मा ज्याक्सन हाइट्स, न्युयोर्कमा सम्पन्न भयो ।

अनेसास पूर्व केन्द्र अध्यक्ष तथा हाल बोर्ड अफ ट्रष्टीका अध्यक्ष- साहित्यकार गीता खत्री प्रमूख अतिथि रहनु भएको उक्त कार्यक्रमको सभापतित्व न्युयोर्क च्याप्टरका अध्यक्ष राजेन्द्र श्रेष्ठले गर्नु भएको थियो ।

प्रमुख अतिथिद्वारा दियो प्रज्वलनका साथ शुरु गरिएको उक्त कार्यक्रममा आदिकवि भानुभक्त आचार्यको फोटोमा उपस्थित सबैले पुष्प अर्पण गरेर नेपाली साहित्यमा भानुभक्तको अतुलनिय योगदानको स्मरण गरिएका थियो र साहित्यकार तथा अनेसास न्युयोर्क च्याप्टरका उपाध्यक्ष्य शकुन ज्ञवालीले स्वागत मन्तब्य राख्नु भएको थियो भने प्राध्यापक डा. गोबिन्द कोइरालाले भानुभक्तका कृतिहरु तथा नेपाली साहित्यमा पुर्याएको योगदान माथि चर्चा गर्दै आफ्नो भानु सम्बन्धि रचना वाचन गर्नु भएको थियो ।

तत्पश्चात विशेष अतिथिहरू च्याप्टरका पुर्व अध्यक्ष साहित्यकार पुनम काफ्ले, च्याप्टरका पुर्व अध्यक्ष तथा हाल केन्द्रका कोषाध्यक्ष साहित्यकार विकास बिष्ट, अनेसास पुर्व केन्द्र उपाध्यक्ष्य राम खत्री, एनआरएन अमेरिकाका सदस्य बन्दना कोइराला, आजीवन सदस्य एवं कवि रश्मि भट्ट, साहित्यकार लक्ष्मी श्रेष् , बिजया सिंखडा, नवराज खड्का, शोभा सिवाकोटी, निर्मल आचार्य, डा. शोभाकर आदिले आ-आफ्ना कविता वाचन गर्नु भएको थियो तथा गायक, कलाकार अभय ढुङ्गेल, सिर्जना लामा, संगिता ऊप्रेती, शकुन ज्ञवाली, शान्ता अधिकारी, शोभा सिवाकोटीले गीतहरु प्रस्तुत गर्नु भयको थियो । च्याप्टरका सचिव, राजन महर्जनले कार्यक्रम संचालन गर्दै आफ्नो रचना-गजल प्रस्तुत गर्नु भएको थियो भने कोषाध्यक्ष बेदा खरेलले अङ्ग्रेजी गीत गाउनु भएको थियो ।

कार्यक्रमको मध्यान्तर तिर बाल कविता प्रतियोगिता पनि आयोजना गरिएको थियो ।
कार्यक्रममा सहभागी बाल कविता प्रतियोगिताका निर्णायकमा साहित्यकार पुनम काफ्ले, रश्मि भट्ट र राम खत्री ज्युहरु रहनु भएको थियो । प्रतियोगितामा हिमांशु ब्रह्म तृतीय, स्प्रेहा प्रधानाङ्ग द्वितीय तथा पुर्णिमा जिसी प्रथम हुनु भएको थियो र विजयी प्रतियोगीहरुलाई पुरस्कार तथा कदरपत्र प्रदान गरिएको थियो । प्रतियोगिताको प्रथम, द्वितीय र तृतीय पुरस्कारको प्रायोजक : पुनम काफ्ले, विकास बिष्ट र शकुन ज्ञवाली ले गर्नु भएको थियो ।

कार्यक्रमको अन्त्यतिर नेपालबाट आउनुभएका साहित्यकार अतिथिहरु शोभाखर पराजुली र बाबुकृष्ण सापकोटाले विदेशमा बसेर पनि नेपाली भाषा साहित्यको लागि योगदान पुर्याउने अनेसास न्युयोर्क प्रति आभार र शुभकामना ब्यक्त भएको थियो।

(समाचार स्रोत तथा फोटोहरु: राजन महर्जन)

न्युयोर्क, जुलाई १५, २०१९ सोमबार ।
शेर्पा किदुग अमेरिकाद्वारा न्युयोर्क स्थित आफ्नै भवनमा आयोजित विश्व शान्ति तथा मानव समाजको सुख र समृद्धि र पर्यावरणीय स्थिरताको लागि चार दिन सम्म वज्रगुरु मन्त्र जप समारोह हिजो आईतबार भव्यताका साथ सम्पन्न भयो ।


यो समारोह महागुरु पद्मसंभवको पुण्यतिथि टेल्दा छेचु (पाँचौं महिना) दशमीको पावन अवसरमा आयोजना गरिएको हो । उक्त एेतिहासिक कार्यक्रममा प्रमुख आतिथ्य ग्रहण गर्न भुटानबाट परमपूज्य गुरु नाम्खी ङिङ्पो रिन्पोछे आउनु भएको हो ।

वज्रगुरु मन्त्र गुरु पद्मसंभवको हृदयमन्त्र हो । नेपाल; भारत; तिब्बत; भुटान; मंगोलिया आदि हिमाली मुलुकहरुमा फैलिएको वज्रयान परम्पराको संस्थापक गुरु पद्मसंभवको चमत्कारिक आगमनको बारेमा भगवान गौतम बुद्ध स्वयंले आफ्नो जीवनको अन्तिम समयमा भविष्यवाणी गर्नुभएको थियो ।

भगवान बुद्धले परिनिर्वाण सुत्रमा भन्नु भएको छ – “निकट भविष्यमा म ध्यानकोष नामक तालको बिचमा कमलको फूलबाट निर्माण कार्यको रुपमा पुनर्जन्म लिने छु, उक्त निर्माणकार्य म भन्दा धेरै शक्तिशाली हुनेछ । त्यति बेला म गुह्यमन्त्रको धर्म देशना गर्ने छु ।”

सोही भविष्यवाणी अनुसार आठौँ शताब्दीताका वर्तमान अफगानिस्तान र पाकिस्तानको सीमा क्षेत्रमा पर्ने उड्डियानको धानकोष तालको बिचमा चमत्कारिक कमलको फूलबाट गुरु पद्मसंभवको जन्म भयो ।
पछि वहाँले वज्रयानतन्त्रको धर्म देशना गर्नुभयो, जुन आज संसारभर फैलिएको छ । उनै गुरु पद्मसंभवलाई आव्हान गरी जपिने वज्रगुरु मन्त्रको महिमा अपरम्पार छ ।

वज्रगुरुको जप ध्यान गर्दा हुने फाईदाहरु ग्रन्थमा यस प्रकारले उल्लेख गरिएको छः स्वच्छ बोधिचित्त उत्पन्न गरी यो मन्त्र जप गरेमा सम्पूर्ण अकुशल कर्मका दोषहरु हट्ने छन् । जन्म, जरा, ब्याधि र मरणको भयबाट मुक्त हुनेछ । समाजमा सुब्यवस्था कायम हुनेछ । रोग र भोखमरी हट्ने छन् । झैझगडा र कलहहरु शान्त हुने छन् । युद्धहरुमा बिराम लाग्नेछन् । विश्वमा दिगो शान्ति र अमन चयन कायम हुनेछन् ।

गत आगामी जुलाई ११ देखि शुरु भएको यस एेतिहासिक कार्यक्रममा दैनिक ४० जना जति लामा गुरुहरु र औसत ५०० जति शान्ति प्रेमी भक्तजन हरुले सामुहिक रुपमा मन्त्र जप गर्दै अाईरहेका थिए।
(स्रोत: शेर्पा किदुग अमेरिका)

न्युयोर्क, जुलाई ३, २०१९ बुधबार ।
अमेरिकाको भ्रमणमा रहेका समाजवादी पार्टी नेपालका वरिष्ठ नेता अशोक राईको प्रमुख आतिथ्यतामा नेपाली समाज अमेरिकाको उद्घाटन सम्पन्न भएको छ ।
अमेरिकाको न्यूयोर्क सहरमा जून २९, २०१९ शनिबारका दिन आयोजना गरिएको उक्त कार्यक्रममा समाजवादी पार्टीकी केन्द्रीय सदस्य सुशीला श्रेष्ठको विशेष आतिथ्यता रहेको थियो । सोहि अवसरमा नेपाली समाज अमेरिकाको युवा संघ र महिला समिति पनि गठन गरिएको थियो ।

उक्त युवासंघको अध्यक्षमा विजय सिंह, उपाध्यक्षमा हरिप्रसाद लिम्बु, महासचिवमा गजेन्द्र सुब्बा, उप-महासचिवमा सुसना लामा, सचिवमा मिलन लिम्बु, कोषाध्यक्षमा पोषणराज सिंह र सदस्यहरुमा जीवन खजुम, विमल राई, सौरव राई, सुदीप राई, काजी शेर्पा, नामफुङ वनेम, पासांङ शेर्पा, सोनाम छिरिङ शेर्पा गोले, पासाङ थिन्ले, सांगे लामालाई चयन गरिएको छ ।

त्यसैगरी पूर्व डिआईजी पार्वती थापाको संयोजकत्वमा नेपाली समाज अमेरिकाको महिला समिति गठन गरिएको हो । जसको उपाध्यक्षमा मनु लोहोरूङ, महासचिव निला जवेगु, सचिव निर्मला कदंवा कोषाध्यक्ष फोरहाङ पतंवा र सदस्यहरुमा कोकिला देवान, कमला लिम्बु, रूपा याख्खा पुण्यवती रम्तेल, खुसी राई, यशोदा राई रहनुभएको छ ।

सोहि अवसरमा आफ्नो मन्तव्य राख्दै नेता अशोक राईले एमाले पार्टी छाड्नुको प्रमुख कारण आफ्नो स्वार्थका लागि नभएर समग्र नेपालीको हितका लागि छोडेको बताउनुभयो । नेता राईले विभिन्न वर्ग, जाति, लिङ्ग र विभिन्न धर्म संस्कार संस्कृतिले भरिएको नेपालमा सबै जातजातिललाई समान अधिकार दिनुपर्ने र पाउनुपर्ने बताउँदै विभिन्न भेषभुषा र संस्कृति नेपालको सम्पति भएकोले सबै जातजातिलाई समान अधिकार दिएर यसको संरक्षण गर्नुपर्ने बताउनुभयो ।
नेता राईले नेपालको संविधान संशोधन गर्नुको विकल्प नभएको बताउँदै संविधान संशोधन नै सबै नेपालीको हित रहेको राईले बताउनुभयो ।

समिर मर्हजनको अध्यक्षतामा सम्पन्न गरिएको उक्त कार्यक्रममा मर्हजनले समाजले सबै नेपालीको हितमा कामगर्ने बताउँदै अन्य नेपाली संघसंस्थासँग पनि सहकार्य गरेर अगाडि बढ्ने बताउनुभयो ।
सोहि अवसरमा संघीय समाजवादी फोरम पार्टीकी पूर्व महिला इन्चार्ज, समाजवादी पार्टीकी केन्द्रीय सदस्य तथा कार्यक्रमकी विशिष्ठ अतिथि सुशीला श्रेष्ठले नेपालमा अझै पनि महिला दिदी बहिनी तथा आमाहरुले धेरै अन्याय सहनु परेको बताउनुभयो । उहाँले नेपाली महिलामाथि हुने अनेक प्रकारका हिंसाकै कारण महिलाहरु राजनीतिमा अगाडि आउन नसकेको र अगाडि बढ्न नदिएको भनाई समेत राख्नुभएको थियो ।
नेतृ श्रेष्ठले नेपाली अमेरिका समाजको युवा संघको महिला समितिमा निर्वाचित कार्यसमितिका महिला पदाधिकारीलाई प्रमाणपत्र प्रदान गर्दै बधाई तथा कार्यकाल सफलताको शुभकामना दिनुभयो ।

त्यसैगरी नेपाली समाज अमेरिकाको युवा संघका अध्यक्ष नवनिर्वाचित अध्यक्ष विजय सिंहले आगामी दिनहरुमा अमेरिकामा रहेका नेपाली युवाहरुसँग हातेमालो गरेर अगाडि बढ्ने बताउनुभयो । उहाँले युवाहरुको लागि रोजगारी, प्रशिक्षणलगायतमा विशेष प्राथमिकता दिने बताउनुभयो ।
त्यस्तै नेपाली समाज अमेरिकाकी सल्लाहकार तथा महिला संगठनकी अध्यक्ष पूर्वडिआईजी पार्वती थापा मगरले नेपालमा महिलामाथि गरिने अन्यायको एउटा उदाहरण आफू पनि भएको बताउँदै नियम संगत रुपमा आफू आइजिपीमा बढुवा हुनुपर्नेमा आफूभन्दा जुनियरलाई प्रमोशन गरेर आफूमाथि अन्याय गरिएको बताउनुभयो । उहाँले अदालतले पनि सहि निर्णय गर्न हिचकिचाएको बताउँदै न्याय र समानताका लागि सबै महिला एक भएर देश र समाजको हितमा काम गर्नुपर्ने बताउनुभयो ।

संस्थाका महासचिव लोक चेम्जोङले सञ्चालन गर्नुभएको उक्त कार्यक्रममा चेम्जोङले सबैको सहयोगमा समाज गठन गर्न सफल भएको भन्दै सबैलाई धन्यवाद दिनुभयो । चेम्जोङले आफू पनि युवा भएकोले युवाहरुसँग उदाहरणीय र नमुनाका रुपमा सहकार्य गर्दै जाने बताउनुभयो ।

स्मरण रहोस् अमेरिकामा नयाँ शक्ति पार्टीको भातृ संगठन नभएकोले नेपाली संघीय समाज अमेरिकाको नाम परिवर्तन गरेर नेपाली समाज अमेरिका बनाईएको हो । त्यहि समाजको भातृ संगठनका रुपमा युवा संघ र महिला समिति गठन गरेको हो ।

1 2 3 128

9
Unique
Visitors
Powered By Google Analytics
August 2019
M T W T F S S
« Jul    
 1234
567891011
12131415161718
19202122232425
262728293031